قصيدة ابكت من لايبكي

زائر

بسم الله الرحمن الرحيم

السلام عليكم ورحمة الله وبركاته

---------------------------------------------------------------------

توفيت أمه فكتب قصيدة أبكت من لايبكي
شاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

قصيده روووووعه

مشكور القصيدة جدا حلوة

زائر

مشكورين على المرور ياخواني

تسلم اخوي على هذه القصيدة

زائر

مشكور زعيمنا على المرور

تسلم اخي ذاقوست على القصيدة الرائعه

و الكلمات الروع

تقبل مروري اميرة القلوب

مشكور اخوي ذا جوست على

القصيدة الرائعة والكلمات الأروع

الله يحفظ كل ام لأولادها ولا ينحرموا من وجودها في البيت

ننتظر المزيد من مشاركاتك الرائعة

آآآآآآآآآآآمين يادلوعة امها

اخي الكريم .. ذا غووست ..

قصيده مبكيه بالفعل .. كلها حرقة والم ..
يسلمو على هذا الاختيار

وربي يخلي لنا اميماتنا الحبيبات .. شمعات الداار والحي

زائر

اشكر كلا من

اميرة القلوب ، دلوعة امها، ريماس

على قراءتكم القصيدة وتواصلكم معي

ولا حرمنا منكم