اول مشاركه لي اتمنى تقبلوهاااا

على كف القصيد اللي تعدّى للحدود أوزان .. رسمت بدفتري معنى يجدد كل ما فينـي
عزفتك لحن ما تشبه حروفه باقي الالحـان .. صدى بوحك لقيته مقترن بالروح يشفيني

حلمت اتخيّلك واحلم بقربك خافقي ولهان .. وحلمي صار من زود المحبة حيل يشقيني

عيوني خافقي همسي تحرّى حزّة الرحمـن .. رجا وصلك وتفكيرك عن الباقين يكفيني

تشابه كل ما فيني ولان إللي قسا مـا لان .. لجل حبك وروعة طيفك إلي لاح في عيني

لفيتك تايه الخطوة متيّم بالهوى ضميـان .. لفيتك يوم وصلك من كثير آلام يبريني

تعبت من الشقا وإللي مضالي بالهموم أزمان .. زمن يسرق من أيامي شهر وشهور وسنين
تعلمت المحبة من حنانك والقلوب أوطان .. وطن من غير زولك يا وليف الروح ينفيني
تعلمت الوفا ومن المودة ما شكا الميـزان .. تساوت كفّتينه وان حصل من نقص تعطيني
سهرت الليل عاشق كنت اناجي غيبته شفقان .. غريب اذكر ليالي حيرتى والهم كاويني
مشينا فالدروب وما كتبنا للجفا عنــوان.. أخاوي نبض خطواته وهو مثلي يخاويني
تشابه لون طيفه في عيوني والوصوف ألوان .. ولا منّـه تكدر خاطري بالحيل يرضيني

ولو جار الزمان إللي جمعنا بالطريق وشان .. مصير الحي يتلاقى ومهما غبت تلقيني
أنا مهما ذبل وردي وبانت حيرتي إنسان .. أعانق قلب وافي من خمور العشق يرويني

وسلااااااااامتكم

في منتدانا وبداية حلوووة في هالقصيدة

وننتظر مزيدك

تقبل مروري اخوك / عاشق توتي

لك يسلموا يا " .... اراك عصي الدمع ...."

والله إن قلبك في الشعر وشعرك في القلب

بالتوفيق

عزفتك لحن ما تشبه حروفه باقي الالحـان ... صدى بوحك لقيته مقترن بالروح يشفيني

حلمت اتخيّلك واحلم بقربك خافقي ولهان ... وحلمي صار من زود المحبة حيل يشقيني

كلماااااات روووووووعه اخوي ~ اراك عصي الدمع ~ وقصيده مميزه جدا .. تجرفنا معاها الى حيث العشق .. فعشنا معاها بكل كلمه فيها

بدايه جدا مميزه ..نقشت فيها اسمك من شغف العشاق

ومراااااحب فيك في منتدانا .. ولي الفخر ان اول مشارك لك تكون في قسمي

ربي يعطيك الف عافيه .. وننتظر منك الجديد والمميز مثل اطلالتك

ولا تحرمنا من تواجدكم ... تقبل حضوري

دمت بخير

بدابة رائعه جدا

اتمنى ان تستمري على هذا التميز

و الى الأمام اختي آراك عصي الدمع

تقبلي مروري اميرة القلوب